Girty Balon Ka Ilaj

سرسوں کے تیل میں یہ مکس کر کے بالوں میں لگائیں اور سردی میں گرتے بالوں کی نشوونما بڑھائیں۔۔۔
خواتین ہوں یا مرد حضرات سردی میں بال گرنے کے مسائل زیادہ بڑھ جاتے ہیں کیونکہ موسم کی وجہ سے بالوں کی جڑیں بھی کمزور پڑنے لگتی ہیں اور وہ لوگ جو پہلے ہی گنج پن کا شکار ہیں ان کے ساتھ تو بالوں کےمسائل مزید بڑھ جاتے ہیں۔
اگر آپ بھی ان میں سے ایک ہیں تو ڈاکٹر بلقیس نے آپ کے لئے بتایا ہے اتنا آسان حل جس کو استعمال کر کے آپ کے بال بھی مضبوط ہوجائیں گے اور ان میں خُشکی و سکری بھی نہیں رہے گی۔

ٹپ:
٭ ایک پین میں دو چمچ سرسوں کا تیل ڈال کر 20 منٹ پکائیں ۔
٭ ایک چمچ ہلدی اور دو چمچ سہاگہ بھی تیل میں ڈال کر مزید 5 منٹ پکا لیں۔
٭ پھر اس کو نیم ٹھنڈا ہونے پر بالوں کی جڑوں میں لگائیں۔

فائدہ :
اس ٹپ سے فائدہ اس لئے ہوگا کیونکہ سرسوں کے تیل میں مونوسچورٹیڈ فیٹی ایسڈز پائے جاتے ہیں ساتھ ہی ہلدی اینٹی آکسیڈنٹ ہے جو آپ کے بالوں کی جڑوں کو مضبوط بنانے میں آپ کی مدد کرتے ہیں۔