Ghutno Ke Dard ka Asan Gharelu Ilaj

گھٹنے کا لیس ختم ہو گیا ہے ڈاکٹر نے گھٹنے بدلنے کا کہہ دیا ہے تو پھر ڈاکٹر بلقیس کا یہ نسخہ آزمائیے گھٹنوں کا لیس دوبارہ پیدا کریں
گھٹنوں کی تکلیف ، گھٹنوں کا درد اور ہڈیوں کا بھربھرا پن آج کل ہرایک کا مسئلہ بن گیا ہے، خاص کر بڑی عمر کی خواتین اور مرد اس مرض کا تیزی سے شکار ہو رہے ہیں، ڈاکٹرز اس کا علاج گھٹنے بدلوانے کا کہتے ہیں۔ لیکن یہ طریقہ علاج انتہائی مہنگا ہے اس کا آپریشن لاکھوں روپے میں ہوتا ہے جو کہ ہر ایک کے بس کی بات نہیں۔ اس کے علاوہ یہ گارنٹی بھی نہیں کہ اس آپریشن سے آپ ٹھیک ہو ہی جائیں گے، یہ بھی محض رسک پر ہی ہوتا ہے۔ ایسے میں وہ لوگ کیا کریں جو یہ سب علاج معالجہ افورڈ نہیں کر سکتے، ان کے لئے ہم یہاں ڈاکٹر بلقیس کا بتایا ہوا ایک اہم نسخہ لے کر آئے ہیں جو ان سب افراد کے لئے ٹانک ہے جو ہڈیوں کی تکالیف میں مبتلا ہیں جن کی ہڈیوں سے لیس ختم ہو گیا ہے ہڈیاں بھر بھری ہوگئی ہیں۔ سب سے پہلے تو یہ افراد وہ ساری سبزیاں اور پھل کھائیں جو کہ لیس دار ہیں ان کے کھانے سے قدرتی طور پر لیس پیدا ہوتا ہے۔ اگر روزانہ ہلدی کو تل کر کھالیا جائے تو بہت فائدہ ہوتا ہے اس کے ساتھ حلال جیلاٹن بھی بہت فائدہ مند ہیں۔

نسخہ
جنگلی بھنڈی کے بیج اور جڑ 3 گرام
پاکستانی جنسنگ (بہو پھلی) 3 گرام
کالی مرچ 1 گرام
شقاق المصری 3 گرام
سفید موصلی 3 گرام
اسگند ناگوری 3 گرام
سونٹھ 2 گرام
سورنجان شیریں 3 گرام
یہ سب ایک خوراک کے اجزاء ہیں ۔ یہ سب پیسنے کے بعد ایک کھانے کے چمچ کے برابر بنے گا، جتنا زیادہ بنانا ہو اس کے حساب سے بنالیں ۔۔ان سب اجزاء کو پیس کر پاؤڈر بنالیں، یا پھر ان کا جوشاندہ بن کر پی لیں۔ اس سے آپ کی ہدیوں میں لیس پیدا ہونا شروع ہو جائے گا ۔ یہ اگر آپ کے گھر کے بزرگ اس تکلیف میں مبتلا ہیں تو ان کو استعمال کروائیں یا ہماری خواتین اگراس مرض کی وجہ سے چل پھر نہیں سکتیں یا ہڈیوں کی تکلیف میں مبتلا ہیں تو ان کو فائدہ پہنچائے گا۔ اس سے ہڈیوں کا درد، یورک ایسڈ کا مسئلہ اور ہڈیوں کے دوسرے مسائل حل ہوجائیں گے۔اس کو باقاعدگی سے استعمال کریں اور پھر فرق پڑے تو ہمیں ضرور بتائیں۔