Sugar ke Alamat Aur Unke Khatarnak Nuksanat !



شوگر کی بیماری کو دوسرے الفاظ میں اب زہریلا پن کی بیماری بھی کہا جاتا ہے ۔ اس جدید دور میں اب غذا اور شکر ایک زہر بن چکے ہیں جس کی بڑی وجہ روزمرہ زندگی میں غیر متوازن غذا اور ورزش کی کمی ہے ۔
یہ ایک آفاقی اصول ہے کہ ہر چیز کی زیادتی بُری ہوتی ہے ۔ لیکن لوگ اس اصول کو بھلا چکے ہیں ۔ ماڈرن فاسٹ فوڈزاور مشروبات نے رہی سہی کسر بھی پوری کر دی ہے ۔ پرانے زمانے میں لوگ سادہ پانی کا استعمال زیادہ کرتے تھے لیکن اب ہر عمر کے لوگ کولا کلچر سے متاثر ہیں ۔ایک عام کولا کی بوتل میں سولہ چینی کے چمچے کے برابر توانائی ہوتی ہے ۔ نام نہاد ڈائٹ مشروبات میں بھی بے پناہ کیمیکل ہیں جن کے بُرے اثرات کے بارے میں تاحال معلومات کی کمی ہے ۔
شوگر کی علامات :
تھکن کا احساس
پیاس کی شدت
پیشاب کی زیادتی
پیٹ کا درد اور قے
بھوک کی کمی
وزن کا گرنا ، خارش ہونا
زخم کا جلد مندمل نہ ہونا

شوگر کی بیماری کی دو قسمیں ہوتی ہیں

۱۔ وراثتی :
یہ بیماری عموماً بچوں میں پائی جاتی ہے اور اس کی وجہ انسولین اور انسولین بنانے والے خلیات کی کمی ہے ۔ عام طور پر ڈاکٹر اس کی تشخیص جلد ہی کر لیتے ہیں اور انسولین کے ذریعے علاج بروقت شروع کردیا جاتا ہے ۔ اس طریقہ علاج سے مریض جلد صحت یاب ہوجاتے ہیں اور مستقبل میں دیگر پیچیدگیوں سے بھی بچ جاتے ہیں ۔

۲۔ ماحول اور بڑی عمر کے اثرات
غذا کی زیادتی اور ورزش کی کمی پوری دنیا میں شوگر کی بیماری پھیلنے کی سب سے بڑی وجہ ہیں ۔ حیرت کی بات یہ ہے کہ بالغ لوگوں میں انسولین کی کمی نہیں ہوتی بلکہ کبھی کبھی زیادتی ہوتی ہے ۔
مسئلہ سار ا پٹھوں کو استعمال کرکے اور انسولین کے ذریعے شکر اور غذا کو چلا جائے تاکہ وہ جسم میں جمع نہ ہو۔ تقریباً پچیس سال قبل یہ بیماری اچانک ایک وباء کی شکل اختیار کر گئی تھی اس کی بڑی وجہ شہری زندگی کے معمولات میں غیر معمولی تبدیلیاں تھیں ۔ جدید آلات کی ایجاد نے جہاں انسانی زندگی کو آسان بنادیا وہاں لو گ جسمانی آسانی کا شکار ہونے لگے اور جسمانی مشقت سے دور ہوتے چلے گئے ۔ مرغن اور بھاری بھرکم غذاؤں کے کھانے سے جسم کو توانائی یا انرجی تو زیادہ ملنے لگی لیکن کسرت کی کمی کی وجہ سے فالتو توانائی ، چربی کی شکل میں جمع ہونے لگی جو خون کی شریانوں میں جمنے لگے ۔ درحقیقت شوگر شریانوں کی بیماری ہے ۔ جسم میں ہر جگہ خون شکر آلودہ شکل میں جاتا ہے جو جسم کے ہر حصے کے خلیات کو تباہ اور برباد کردیتا ہے ۔

شوگر کی بیماری سے مندرجہ ذیل بیماریاں لاحق ہوجاتی ہیں

آنکھوں کی شریانوں کی بیماریاں
آنکھوں کی شریانوں میں شکر کی زیادتی کا اثر یہ ہوتا ہے چھوٹی شریانیں پھٹ جاتی ہیں اور آنکھ کے اندر خون جمع ہونے سے نظرکے ضائع ہونے کا خطرہ ہوتا ہے ۔

دانت اور مسوڑھوں کی بیماریاں :
دانتوں اور مسوڑھوں میں موجود جراثیم کی محبوب غذا شکر ہوتی ہے جو خون کی نالیوں میں وافر مقدار میں ملتی رہتی ہے اسی لئے یہ وہاں اپنا گھر بنا لیتے ہیں اور خاص طور پر بڑی عمر کے لوگوں کی صحت پر اثرانداز ہوتے ہیں ۔

دل کی شریانوں کی بیماریاں:
جسم میں چربی کی اضافی مقدار، بُرے کولیسٹرول کی زیادتی اور خون میں شکر کی فراوانی ، شریانوں اور خاص طور پر دل کی شریانوں کو بند کرنا شروع کر دیتی ہے جس سے بلڈ پریشر ہائی ہوجاتا ہے جو آگے چل کر دل کی بیماریوں کا باعث بنتا ہے ۔

گردے کی شریانوں کی بیماریاں :
گردے کی شریانیں بھی شکر اور خون کے گاڑھے ہونے سے متاثر ہونے لگتی ہیں اور بالآخر گردے ناکارہ ہوجاتے ہیں ۔

پاؤں کی بیماریاں :
شوگر کے مریض عام طور پر پاؤں کے درد کے بارے میں بہت شکایات کرتے ہیں ۔ اس تکلیف سے بچنے کا بہترین طریقہ ورزش اور روزانہ چہل قدمی ہے ۔ اچھی دوائیں اب دستیاب ہیں ۔ا س سلسلے میں اپنے ڈاکٹر سے بات کریں لیکن ہمارا مشورہ یہ ہے کہ ورزش کا سائیکل کا استعمال ایک بہترین نسخہ ہے ۔

Sugar ke Alamat Aur Unke Khatarnak Nuksanat ! | Diabetes affects the body’s ability to produce insulin and Insulin is the hormone that allows blood sugar to enter the cells of the body and produce energy. When diabetes occurs, excessive glucose stays in the blood, resulting in raised blood glucose (hyperglycemia) levels, leading to spillage of glucose into the urine. Due to this condition of elevated blood glucose levels, problems may occur in the body cells. Let’s here find out more about diabetic and its effects.

Tags : Diabetes Symptoms Diabetic Effects on The Body

zoom effect

By KFoods In Health and Fitness 9 Comments 59664 Views 01 Dec 2014


 Comments on Sugar ke Alamat Aur Unke Khatarnak Nuksanat !

  • syed kausar abbas gillani - rahim yar khan Apr 23, 2017

    very good very nice.

  • shoukat ali - charsadda Apr 07, 2017

    Good information..

  • Hizbullah - Sukkur Oct 23, 2016

    very nice

  • Kashif khan - Qaldara Oct 17, 2016

    Inshallah is per may amal karonga. Mera wagod be bohat bars hay .

  • Sidra - Jul 07, 2016

    good tips

  • syed ibadat shah - peshawar Apr 13, 2016

    verry good information .. just searching and find usefull information...tnk u

  • ALI - SHEIKHUPURA Mar 09, 2016

    YA WBSITE BOHAT ZIYADA FAIDA MAND OR MALOMATI HY.

  • Kamran - Jul 02, 2015

    it is very good and useful information. we should care about sugar and diabetes in our food and care for our parents also.

  • Muhammad Zakrya - Manama Bahrain Dec 30, 2014

    Alhumdolliah realy I found this site very infermative Usefull I pray for you Almighty Allah for jazai khair shukria

Read Blog about Sugar ke Alamat Aur Unke Khatarnak Nuksanat ! and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (Sugar ke Alamat Aur Unke Khatarnak Nuksanat !) and how to utilize other natural ingredients to cure diseases, easy recipes, and other information related to food from KFoods.