Arthritis and Bones Pain Relief by Dr. Bilquis



خواتین میں ہڈیوں اور جوڑوں کے درد کی شکایت عام پائی جاتی ہے- کچھ عرصہ قبل تک یہ درد صرف بڑی عمر کی یا پھر بزرگ خواتین میں ہی سنے جاتے تھے لیکن ان شکایات میں اس تیزی کے ساتھ اضافہ ہوا ہے کہ آج ہر عمر کی خواتین کو ان مسائل کا سامنا کرنا پڑ رہا ہے-

ہڈیوں اور جوڑوں کے درد کی شکایت کی بنیادی وجہ اس حوالے سے علم و آگہی کا نہ ہونا ہے- ہماری ویب نے اسی حوالے سے اپنے قارئین کے علم و آگہی میں اضافے کے لیے معروف ہربلسٹ ڈاکٹر بلقیس شیخ سے خصوصی ملاقات کی اور ان سے خواتین میں ہڈیوں اور جوڑوں کے درد کی شکایات کی وجوہات اور ان کے علاج کے بارے میں دریافت کیا- ڈاکٹر صاحبہ اس اہم معاملے کے بارے میں کیا معلومات فراہم کرتی ہیں٬ آئیے جانتے ہیں-



ڈاکٹر بلقیس شیخ کہتی ہیں کہ “ خواتین میں مختلف اقسام کے درد عام ہوگئے ہیں جن میں ہاتھوں کا درد٬ کمر کا درد٬ جوڑوں کا درد٬ گردن کا درد اور سر کا درد شامل ہے- چاہے چھوٹی عمر کی بچیاں ہوں یا پھر بڑی عمر کی خواتین شکایت سب کی ایک ہی ہے کہ انہیں بےتحاشا درد ہوتا ہے“-
joints pain treatment by dr bilquis

“ جب بھی آپ کو کوئی درد محسوس ہو تو سب سے پہلے اپنا کیلشیم اور وٹامن کا ٹیسٹ کروائیں اور خود سے دوائیں لینے سے گریز کریں- بعض اوقات چھوٹی سی بیماری ہوتی ہے اور اس کا علاج بھی معمولی ہوتا ہے اگر وہ کروالیا جائے تو بڑا مسئلہ نہیں بنتا“-

ڈاکٹر بلقیس مزید بتاتی ہیں کہ“ اکثر خواتین کو سفید پانی کے اخراج کا بھی مسئلہ ہوتا ہے جسے لیکوریا کہتے ہیں اس میں بھی کمر درد کا سامنا کرنا پڑتا ہے- اگر چھوٹی بچیوں یا پھر بڑی عمر کی خواتین کو یہ مسئلہ ہے تو انہیں چاہیے کہ وہ سفید موصلی کا استعمال کریں“-

“ سفید موصلی وٹامن ڈی کا خزانہ ہے لیکن یہ بھی یاد رکھیں کہ اس میں وٹامن ڈی تھری موجود نہیں ہوتا اور اس لیے اس وٹامن کی کمی کو موصلی سے دور نہیں کیا جاسکتا“-

“ لیکن اگر ہڈیوں میں درد ہے اور سفید پانی کی شکایت ہے تو موصلی کا استعمال کریں- موصلی خریدتے وقت خیال رکھیں کہ اس کا رنگ سفید دودھیا ہو نہ کہ براؤن ہورہی ہو“-
arthritis pain treatment

“ استعمال کا طریقہ کچھ یوں ہے کہ سفید موصلی کو پیس کر اس کا پاؤڈر بنا لیں اور اس پاؤڈر کی ایک چمچ صبح و شام دودھ کے ساتھ استعمال کریں- چھوٹی بچیوں کو اکثر صرف پاؤڈر کے استعمال میں پریشانی ہوتی ہے تو وہ اس پاؤڈر میں ہم وزن مصری بھی ملا لیں“-

ڈاکٹر بلقیس شیخ کا کہنا تھا کہ “ خواتین میں دوسرا مسئلہ آپریشن کی وجہ سے ہونے والے کمر درد کا ہوتا ہے- اس کے لیے بچے کی پیدائش کے بعد سوا مہینے تک ٹھنڈے پانی سے نہ نہائیں اور اجوائن کی سکائی روزانہ کریں“-

“ اس کے علاوہ چاسکو کے بیج٬ ازگند اور کمر کس کا پاؤڈر تینوں اشیاﺀ 50 گرام ہم وزن لے کر اس میں 150 گرام پرانا گُڑ ملائیں اور ایک چمچ صبح و شام گرم پانی کے ساتھ استعمال کریں- اس سے بھی آپ کے کمر کے درد میں فرق پڑے گا- چاہے یہ کمر درد آپریشن کی وجہ سے ہو یا پھر خون کی کمی کی وجہ سے“-

“ اگر خون کی کمی کی وجہ سے کمر درد ہے تو آپ انجیر اور کھجور کا استعمال بھی کرسکتی ہیں- یہ دونوں چیزیں ایک ساتھ نہیں کھانی بلکہ ایک دن 3 انجیر کھائیں تو دوسرے دن 7 کھجوریں وہ بھی مختلف اوقات میں جیسے کہ 2 صبح کھالیں٬ 2 شام میں اور 3 رات میں سوتے وقت کھا لیں- اس سے بھی آپ کا کمر درد ختم ہوسکتا ہے“-
dr bilquis shaikh joints pain

ڈاکٹر بلقیس کہتی ہیں کہ “ اکثر خواتین کی گردن میں بھی درد ہوتا ہے- انہیں چاہیے کہ سب سے پہلے اپنا ایکسرے ضرور کروائیں کہ کہیں ایسا نہ ہو کہ ان کی کوئی نس دب رہی ہو“-

“ گردن کے درد کے مریض گھریلو سطح پر ایک ٹوٹکا استعمال کرسکتے ہیں اور یہ ٹوٹکا مرد حضرات بھی چاہیں تو وہ بھی استعمال کرسکتے ہیں“-

“ گردن کے درد میں اسطو خودوس٬ گاؤ زبان اور مشکِ بالا ہم وزن لے کر اس کا سفوف بنا لیں اور اس کا قہوہ بنا کر پئیں- ایک کپ کھولتے ہوئے پانی میں اس سفوف کا ایک چمچ ڈالیں اور ڈھک دیں اور ٹھنڈا یا نیم گرم ہونے کے بعد پی لیں- اس کا پھوک پھینکیں نہیں بلکہ کوشش کریں کہ اسے بھی کھا لیں- اس طرح آپ گردن کے درد٬ چکر آنے یا پھر نزلے کی وجہ سے ہونے والے گردن درد سے بھی نجات حاصل کرلیں گے“-

ڈاکٹر بلقیس کا کہنا تھا کہ “ بعض خواتین کو چھوٹے جوڑوں کے درد کا سامنا کرنا پڑتا ہے انہیں چاہیے کہ وہ دودھ کا استعمال کریں- لیکن اس دودھ کے طریقہ استعمال میں تھوڑا فرق ہوتا ہے- سب سے پہلی بات تو یہ یاد رکھیں کہ دودھ ہمیشہ دن میں 4 بجے سے پہلے پئیں کیونکہ یہ جذب ہونے میں وقت لیتا ہے اور اسے رات میں پینا مسائل پیدا کرسکتا ہے“-

“ چھوٹے جوڑوں کے درد کے لیے پہلے دن دودھ میں ایک سے دو چاول کے دانے کے برابر ہلدی ڈال کر پئیں٬ دوسرے روز 2 سے 3 چاول کے دانے کے برابر ملھٹی ڈال کر پئیں اور تیسرے دن سونٹھ شامل کر کے پئیں- اور چوتھے دن سے دوبارہ سے پہلے والے طریقے پر آجائیں“-
arthritis pain home treatment

“ جوڑوں کے درد کے لیے ایک اور کام یہ ہے کہ 6 جوے دیسی لہسن کو کُوٹ کر تیز گرم دودھ میں 15 منٹ کے لیے ڈالنے کے بعد چھان کر اس دودھ کو پی لیں اس سے بھی آپ کو بہت فائدہ ہوگا“-

“ چھوٹے جوڑوں کے درد میں آلو کے رس میں گلیسرین ملا کر اس کا لیپ ان جگہوں پر کیجیے جہاں درد ہوتا ہے اس سے بھی آپ کو آرام ملے گا“-

ڈاکٹر بلقیس کے مطابق “ گھٹیا کے مریض رات کے وقت چاول نہ کھائیں اس سے ان کے درد میں مزید اضافہ ہوگا“-

“ جوڑوں میں سے سوزش کے خاتمے کے لیے 6 جوے دیسی لہسن اور پیاز کو کُوٹ کر اس کا لیپ پاؤں پر کر کے گرم پٹی باندھ لیں اور دو گھنٹے کے بعد پاؤں دھو لیں اور اس کے بعد کھوپرے کا تیل لگالیں- اس عمل کے دوران درد کے مقام پر سرخی آجائے گی لیکن آپ پریشان نہیں ہوں گے کیونکہ اس سے آپ کو بےانتہا سکون ملے گا“-

ڈاکٹر بلقیس کہتی ہیں کہ “ بعض اوقات ہمارا پورا جسم درد کر رہا ہوتا ہے جس کی وجہ گردے یا جگر ہوتا ہے٬ اس کے لیے مولی اور پالک کے 2 سے 3 پتوں کا لیپ ایک گھنٹے کے لیے ہاتھوں پر لگا کر رکھیں٬ اس سے بھی جسم کے درد میں آرام آتا ہے- خیال رہے کہ ان پتوں کا رس آپ کے انگوٹھے پر بھی ہونا چاہیے“-
joron ke dard ka ilaj dr bilquis

“ بزرگ خواتین کے گھٹنوں میں اکثر خلا پیدا ہوجاتا ہے جو درد کا سبب بنتا ہے- ان خواتین کو چاہیے کہGelatin کا پاؤڈر دودھ میں ڈال کر پئیں اس سے گھٹنوں کے درد میں واضح کمی آئے گی- جن خواتین کو دودھ ہضم نہ ہوتا ہو وہ پانی میں بھی ڈال کر پی سکتی ہیں“-

“ اس کے علاوہ ایک طریقہ یہ بھی ہے کہ ازگند٬ سفید موصلی٬ کرن جوا اور سونٹھ ہم وزن لے کر دن میں تین بار آدھی چمچ استعمال کریں- اس سے بھی جوڑوں کے درد وغیرہ میں کمی واقع ہوگی“-

اختتام پر ڈاکٹر بلقیس کا کہنا تھا کہ “ دوائیاں استعمال کرنا ہرگز نہ چھوڑیں اور ساتھ ساتھ میرے بتائے ہوئے طریقوں پر بھی عمل کرتے رہیں انشاﺀ اﷲ آپ کی دوائیاں خود ہی کم ہوجائیں گی“-


Hope you will benefit from these joints and bones pain tips by Dr. Bilquis. For more useful information and advice, keep visiting kfoods.com.

Arthritis is a common pain in men and women. There are different methods to treat bones or joints pain diseases but we will discuss some precious suggestions by famous herbalist of Pakistan Dr. Bilquis Shaikh. Her advice are mostly based on natural herbal products which come with least chances of side effects. So next time, in case of an arthritis pain, do not rush after the doctors but explore arthritis pain relief home remedies advised by Dr. Bilquis Shaikh.

Find proper exercises, foods, and more precious tips for knee pain, hand pain and back and legs pain in Urdu.

zoom effect

By Humayun In Health and Fitness 2 Comments 39216 Views 25 Jul 2016


Comments/Ask Question

Comments on Arthritis and Bones Pain Relief by Dr. Bilquis
  • Gala - Sialkot Oct 03, 2017

    AoA api meri ri8t leg men hip se paon tk shdeed pain hy pori leg khichi hui hy esa lgta hy jese hip men koi zkham hy itni pain hy doc kehty hen koi nas muhry ki neche agi hy ye shayatika pain hy plz kuch btayen bht medicine khai hy kuch aram ni a rha

  • sardar ali - renala khurd Jul 28, 2016

    But acha ha ya ka him jasa loog Jo parlar nahi ja skta ghr beth kr sb kuch sekh skta Han excilant

Read Blog about Arthritis and Bones Pain Relief by Dr. Bilquis and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (Arthritis and Bones Pain Relief by Dr. Bilquis) and how to utilize other natural ingredients to cure diseases, easy recipes, and other information related to food from KFoods.