Strawberry Cheese Cake Recipe in Urdu

اجزاء:
ڈائجسٹو بسکٹس---------- 200گرام
مکھن پگھلا ہوا----------- 100گرام
تازہ دودھ------------ ایک پیالی
انڈے----------- 2عدد
چینی------------ 10کھانے کے چمچے
کارن فلور------- ایک چائے کا چمچہ
دہی-------------- 250گرام
جیلیٹین--------------- (پانی میں گھلا ہوا) 3چائے کے چمچے
تازہ کریم--------------- (پھینٹی ہوئی) 200گرام
اسٹرابیری ایسنس-------------- ایک چائے کا چمچہ
اسٹرابریز------------- (پسی ہوئی) ایک پیالی
اسٹرابیری جیلی کرسٹلز------------- 175گرام
کریم، اسٹرابیریز------------------ سجانے کے لئے
(باریک کٹی ہوئی)

جیلیٹن کو 4/1پیالی پانی میں بھگو کر رکھ دیں۔ جب پھول جائے توایک منٹ کے لئے ہلکی آنچ پر پکا لیں۔ دہی کو ململ کے کپڑے میں باندھ کر 3سے 4گھنٹوں کے لئے بیسن کے اوپر لٹکادیں، پھر ہاتھ سے دبا کر پانی نکال دیں۔ بسکٹس میں مکھن ملا کر ہاتھ سے یکجان کرلیں۔ 9انچ کے اسپرنگ فوم میں آمیزہ ڈالیں اور پہلے سے گرم اوون میں 180ڈگری سینٹی گریڈ پر 10منٹ پکا کر نکال لیں۔ انڈوں کی سفیدی اور زردی علیحدہ کرلیں۔ ساس پین میں زردی ، دودھ، کارن فلور اور 2/1چینی ڈالیں۔اسے ہلکی آنچ پر مسلسل چلاتے ہوئے گاڑھا ہونے تک پکائیں، اس میں جیلٹن ملا کر رکھ دیں۔الیکٹرک بیٹر کی مدد سے سفیدیوں کو جھاگ بننے تک پھینٹیں، باقی چینی تھوڑی تھوڑی کرکے شامل کریں۔ الیکٹرک بیٹر کی مدد سے ایک پیالے میں پنیر، تیار کسٹرڈ، اسٹرابیریز اور ایسنس یکجان کرلیں۔ اس میں سفیدیاں چمچے سے ملا لیں۔ آمیزے کو سانچے میں ڈال کر فرج میں رکھ دیں۔ تھوڑے سے گرم پانی میں جیلی کرسٹلز گھو ل کر کیک پر ڈالیں اور سیٹ ہونے کے لئے فرج میں رکھ دیں۔ جیلی جم جائے تو کریم اور اسٹا بیریز سے سجا دیں اور خوب ٹھنڈا کرکے پیش کریں۔