حقیقی وفادار بیوی۔۔ عامر لیاقت کیس میں یاسر شامی کے وارنٹ گرفتاری پر بشریٰ اقبال نے کیا کہا؟ سب تعریف کرنے لگے

ڈاکٹر عامر لیاقت حسین کی سابق اہلیہ، ڈاکٹر بشریٰ اقبال کی جانب سے اپنے آفیشل انسٹاگرام اکاؤنٹ پر یاسر شامی اور دانیہ ملک کے ناقابل ضمانت وارنٹ گرفتاری کی تفصیلات شیئر کرنے کے بعد یوٹیوبر خبروں کا حصہ بن گئے ہیں۔

چند روز قبل ڈاکٹر عامر لیاقت حسین کی تیسری اہلیہ دانیہ ملک نے بھی بشریٰ اقبال کو عدالت میں چیلنج کیا تھا۔

بشریٰ اقبال نے حال ہی میں اپنے انسٹاگرام پر ناقابل ضمانت وارنٹ گرفتاری کی فوٹو کاپی اور تفصیلات شیئر کی ہے۔

انہوں نے لکھا، "جوڈیشل مجسٹریٹ کراچی کی عدالت نے مرحوم عامر لیاقت حسین (سائبر کرائم، فحش ویڈیو لیک کیس) میں ملزم اور مفرور یوٹیوبر یاسر شامی کے خلاف ناقابل ضمانت وارنٹ گرفتاری جاری کر دیے ہیں۔ اب اس کیس میں دو ملزمان ملوث ہیں دانیہ ملک اور یاسر شامی۔ ایف آئی اے کا انتظار ہے کہ وہ یاسر شامی کو گرفتار کرے اور عدالتی احکامات پر عملدرآمد کے لیے عدالت میں پیش کریں۔ ان شاء اللہ عامر لیاقت کو جلد انصاف ملے گا۔"

سوشل میڈیا صارفین ڈاکٹر عامر لیاقت حسین کے لیے مقدمہ لڑنے پر بشریٰ اقبال کو نیک تمناؤں اور محبتوں کا اظہار کر رہے ہیں۔ بہت سے لوگ کہہ رہے ہیں کہ بشریٰ اقبال مرحوم پاکستانی میزبان کی حقیقی وفادار سابقہ اہلیہ ہیں۔