عمران اشرف کی ایک بات زندگی بھر کے لئے سیکھ لی۔۔ نوشین شاہ وائررل کلپ میں عمران اشرف کی تعریف کیوں کرنے لگیں؟

“میں نے چھوٹے کرداروں کو بڑا کرنا عمران اشرف سے سیکھا ہے“

یہ کہنا ہے اداکارہ نوشین شاہ کا جنھوں نے حال ہی میں ایک انٹرویو دیتے ہوئے معروف اداکار عمران اشرف کی تعریف کی۔ ایک پرانا واقعہ سناتے ہوئے نوشین شاہ نے بتایا“ عمران اشرف نے مجھ سے کہا “آشا (نوشین شاہ) آپ نے میرا وہ وقت بھی دیکھا ہے جب مجھے بڑے کردار آفر نہیں ہو رہے تھے، انڈسٹری میں جگہ بنانے کے لیے جدو جہد کر رہا تھا اس وقت آپ نے مجھے مشکل وقت میں ہمت بلند رکھنے کا مشورہ دیا تھا۔ تب میں نے سوچ لیا تھا کہ اگر کوئی مجھے بڑے کردار آفر نہیں کر رہا تو میں چھوٹے کرداروں کو ہی بڑا کر دوں گا“

نوشین شاہ کہتی ہیں کہ عمران اشرف کی یہ ایسی بات تھی جو میں نے ہمیشہ کے لئے سیکھ لی۔ اس کے بعد 2018 میں عمران اشرف کا ایک ڈرامہ آن ائیر ہوا “الف، اللہ اور انسان“ تو میں نے انھیں مبارک بار دینے کے لئے فون کیا جس پر عمران نے انکشاف کیا کہ اس ڈرامے میں 800 سے زائد سینز ہیں جبکہ ان کے صرف 35 سے 40 سینز ہیں۔ لیکن ڈرامے میں عمران اشرف نے خواجہ سرا کا کردار اتنے اچھے انداز میں نبھایا تھا کہ میں دیکھتے ہوئے رو پڑی تھی۔